K A R M A !

Inga smua yang torang ja beking pa orang ada dpe K A R M A ! Jadi nd usah mo tlalu "Sok" jago,biasa2 jo..

Salah Maksud !

ALAY itu ATEIS

Qap ta bilang bgtu ?
Karna dorang nd percaya denk nd kenal pa TUHAN

Dorang cuma percaya p 7uH4n !

For DIA :)

Qt so brubah ?
Io so ? Ta rasa ta nd brubah,qt masih qt yang dulu..
Memang no ada sdki perubahan fisik,skrg ta so tambil denk gaya rambut baru ato boleh mo bilang gaya kapala baru..
Slain rambut ada le yang brubah,qt p jerawat so nd ada :)
Pasti ngo mo bingo pas da baca qt so nd ada jerawat.. io to ?
Io kasiang qt p jerawat so nd ada,so nd ada tampa le for "dia" mo kluar !!!
Lewat jo..

Prubahan fisik itu wajar,secara kata kwa qt kan lebeh hari so lebeh dewasa (Ahayde')
kalo mo bilang prubahan kelakuan ato sifat,ta rasa nd no..
Qt masih Edwin Astron yang dulu..
Qt masih Edwin Astron yang sayang pa ngana..
Qt masih Edwin Astron yang suka pa nga bukang karna nga so ada oto
Qt masih Edwin Astron yang suka pa nga bukang karna nga orang "ADA"
Qt masih Edwin Astron yang dulu,yang masih di 'sini' tunggu pa nga..
Denk yang paling penting,Qt masih Edwin Astron yang slalu mo ada pa nga,denk mo slalu jaga pa nga !

Ta nd perna brubah,qt masih qt yang dulu..
Ta nmau orang laeng b'dekat pa nga karna ta nmau ada orang yang mo kurang ajar akang pa nga..
Ta bukang nd percaya pa nga,ta cuma K H A W A T I R denk nga p keadaan skrg :)

Wajib Iko :)

Nd rasa dpa rasa so cukup lama ta nd tulis2 tpe crita2..
Trakir,ta da tulis tpe crita2 pas ta masih ja G A L A U pa qt p mantan..
Skarang so bulan baru,keadaan baru,ta le so lbe siap for mo jalani hubungan baru..

Skarang ini ta cuma mo berbage tips for tamang2 cowo..
Pas ngoni baku dpa denk ngoni p mantan yang so ada anak jang panik,ngoni santai jo..
Ngoni jang perna rasa minder ato mo malo..
Pertama,cukup batogor pa ngoni p mantan,jangan pangge b'crita apa2..
Kdua,pangge kenalan dp anak..
Trakir,nga bise bgini "Amper qt yang jadi nga p papa,inga jang perna pangge OM pa qt"

Klar ngoni bilang bgtu Bro,ta yakin ngo p prasaan mo snang skli ksiang :)

bukan ATAS mar BAWAH !

...
Pas pulang dari skola kemarin qt,upit denk nata lanjut pigi di Jumbo for mo cari karton..
Slama di jalang Upit kurang da sibuk balota sedangkan qt denk Nata cuma da ttwa2 akg pa dia,bukang dp crita mar dp cara bcrita.. Dp cara b'crita jao lebe lucu dari pada dp crita..

Sampe di Jumbo tu karton yang torang cari nd ada,jadi torang sebagai 3 orang anak SMA yang berjiwa nasionalis yang tinggi melakukan musyawara untuk mencari jalan keluar..
Akhirnya setelah musyawara singkat yang torang lakukan,torang putuskan pigi bjalang maso di pasar,dp lbe jelas pasar 45,lbe jelas le Tampa Uti-Uti..

Pas da bajalang qt denk Upit so rupa tu anak SD yang dp ingus so fol di mulu + ta suar-suar kong dp mama (Nata) ta tarek2 pa tong2.. Ngoni bayangkan jo itu..
Dp inti ta denk Upit ntau apa2.. Sebaliknya Nata amper smua toko dia tau.. Dia p jiwa tanta2 membara pas da maso di pasar di bgian2 presiden situ..

Pas torang so dapa tu torang da cari torang baku pisah,klar kase nae oto pa nata ta denk upit le lanjut k'tujuan masing2..
Pas qt nae oto ada tanta denk dp anak cwe yang masih SD dudu satu tampa dudu,qt sandiri dudu pas di blakang pa dorang..
Seiring oto b'jalang dorang 2 le p'crita b'jalang trus,tu anak SD yang dp mama da pangku itu bilang bgni pa dp mama " Ma,qt boleh mo bli akg hp pa qt ?"
 kong dp mama jawab " Mama so nd percaya pa nga,nga so nd jaga blajar bae no"
kong tu anak SD balas " Qt janji no ma' qt mo juara 1 pas smester ini,nd mo juara 2 ato 3 le"

Pas da dengar dorang 2 da b'crita qt langsung tergugah..
Ta iko ta pikir smua tpe klakuan slama in,apa yang qt mau tpe orang tua masih mampu tanggung tanpa harus qt mo b'janji mo dapa juara ato musti beking apa yang dorang suka..
Qt denk tu anak SD p cara hidup beda skli,dia musti brusaha for mo dpa apa yang dia mau sebaliknya qt cuma da mamalawang kong pas minta apa2 tpe orang tua ja iko2 akang..
Ta malo pa tpe diri pas da dengar dorang 2 db crita..
Ta nd perna bersyukur denk apa yang qt punya skrg,qt slalu cuma mo suka b'lia k atas.. Ta jarang skli lia k'bawa,lia tu orang2 yang dp hidop jao kurang beruntung di bawah qt..
Ta prinsip dulu slalu "dia ada bgni qt le musti ada".. Ta jarang skli ja b'pikir b'mna susah tpe orang tua ja biayai pa qt..


Mar pas da dengar dorang p pembicaraan singkat itu tpe hidop boleh sdki brubah,boleh mo lbe menghargai apa yang dorang (tpe Mama denk Papa) so kase,boleh mo lbe menghargai denk bersyukur for smua yang Tuhan so sadia pa qt p hidop..

Dia Bulan baru ini,ada smngat baru,harapan baru,denk yang paling penting Musti ada PRUBAHAN dalam qt p hidop..

Awal baru,Pimpinan baru

Helmy Ifone Lintong

Itu anak XII IPA 3 p mama,guru yang beleh mo kase maso di kategori sangat baik sto..

Trg anak2 XII IPA 3 lbe akrab ja pangge IBU pa trg p mama in.. 

Ibu Helmy maso di kategori guru sangat baik,mungkin sto karna biar torang ja bbnakal,b'ane2,denk b'gila,dia tetap sayang pa torang,dia nd perna marah lagi sto pa torang (kalo nd salah)..
Kalo ada penghargaan guru terbaik sto,pa ibu Helmy p rumah so fol denk piala,piagam karna dpe anak jago manyanyi (io so ?So nd nyambung)


Tadi trg(XII IPA 3) da beking pemilihan pimpinan klas..
Di kejadian itu-leh rupa ada bberapa orang yang kecewa karna yang da nae jadi ketua klas nd sesuai denk drg p keinginan..
Kalo qt sandiri,snang skli no katu karna yang jadi pimpinan klas smua laki2,kong yang b'tamang(bae) denk le denk qt.. Smua yang qt denk tamang2 di huk kanan(baca: sayap kanan)  da usul dari klas XI smua boleh mo bilang brhasil :)




Napa terang p ketua kelas baru ( Cigid )

 Kalo cuma mo lia sekilas,memang dpa lia Normal..
Mar kalo ngo dpa kanal bae2 pa fans fanatik coboy jr ini,ngo baru mo sadar kalo dia sbenarnya Ndnormal..
Mar satu dp kelebihan dia Hati Basar,dia sto yang paling sabar di klas.. Karna dpe kelebihan itu,anak2 kompak pilih pa dia..




Napa sekertaris baru XII IPA 3,Co' Soputan

Orang yang badan besar itu biasanya brat,brat itu beking lalah,karna so lalah biasa orang jadi MALAS
Jadi orang Badan Besar itu boleh mo bilang pamalas dorang,sama no denk drg p sekertaris skrg..
Dp keseharian nd perna mencerminkan kalo dia anak skola,contoh jo pigi skola nd perna bawa polpen,dia cuma ja bawa Harddisk yang dp isi bokep smua sto x_x
Paling ngo langsung b'pikir bgni,qap XII IPA 3 mo pilih orang sama denk dia for jadi sekertaris klas ?
Trg pilih pa dia dari dp kekurangan,ngo mangarti ? Trg pilih pa dia karna dia Malas,malas b'tulis denk malas skola,jadi dengan demikian karna dia jarang skola,dia nentau spa tu hadir denk spa tu alpa,paling dia mo tulis Hadir trus jadi pas trima raport orang tua tau kalo dp anak,anak bae2 :)






Bendahara baru,Brendy 

Kalo ini komang ta ntau karna qap dia ta pilih,mungkin sto so dp takdir no :)
























Sekian jo dulu :)

Jatuh (Cieeeee)

05 juni 2012
Sebenarnya itu mo jadi hari paling bahagia for qt dnk dia,mo jadi salah satu hari terpenting dalam qt p hidop slain qt p hari jadi,idul fitri denk natal..
Mar sayang skli smua yang qt harapkan cuma Ancor sia2,amper 1 taong qt dnk dia mar dia rupa bleh mo lupa gampang skli no.. Padahal kalo qt pribadi rasa ada yang kurang pas qt dnk dia so nd..
Qt ba BBM pa dia pas tu hari SPESIAL (sebenarnya) brapa kalimat qt kirim pa dia mar dia cuma balas satu kalimat.. satu kalimat mar dp arti mendalam skli..satu kalimat yang mungkin boleh mo beking nga saki hati slama satu minggu..
"Lupa akg jo tu smua,anggap biasa jo"
Itu yang dia bilang pa qt,dia rupa gampang skli no da bilang bgtu,dia da bilang bgtu rupa nd perda da jadi apa2 pa qt denk dia..
Jujur qt memang Rusak pas itu mar qt bleh bangkit,qt nd terpuruk trus denk tu keadaan tu dia..
Kita te' ambe dp hikma dari tu keadaan tu dia,qt slalu b'pikir bgni "Dia boleh,Qt le pasti boleh"..
Mungkin le karna tu keadaan tu dia boleh mo lebe cepat lupa pa dia,karna tiap qt inga pa dia,qt slalu bilang pa qt p diri sandiri "Dia so beking suka pa qt".. Smua tu rasa "kangen" langsung ja ilang sketika bgtu,bukang cuma ilang te' mar ja bruba jadi rasa "postiu" *So Esmosi*

Lanjutt..

Skarang taon ajaran baru,brarti klas baru,buku baru,spatu baru,guru baru,denk satu yang paling penting musti Pacar baru :)
Jujur,qt le skarang so boleh lupa te' pa dia..
Qt le skrang da Jatuh ini,jatuh yang paling menyenangkan,jatuh yang boleh mo beking hitam jadi putih(Buta Warna kote') Jatuh yang beking duka jadi suka.. Mar smoga jo nd jatuh yang beking saki..
io butul qt so jatuh cinta (ciiieeeeee)
Qt jatuh cinta pa orang biasa yang boleh beking qt p suasana hati jadi luar biasa..
Dia  rupa sadia satu warna baru for qt,satu le yang paling penting,dia nd pandang Materi.. *B'singgung*

Mar sblum tu keadaan sama denk skrg,qt le perna pilih mo b'Jomblo..
Qt pilih jadi Jomblo Mewah dan Berkwalitas (Sadis Skli) karna tiap cwe yang dekat  denk qta, amper slalu qt ja bandingkan trus denk dia(mantan) Qt rupa mau tu cwe musti sama denk dia,dp cara bicara musti sama dp penampilan musti sama denk tu laeng2(pikir sandiri jo) musti sama,mar ternyata qt salah kote' qt kalo bgtu trus mungkin sto JOKOWI nd mo untung (Apa dp hubungann ?)
Lanjut, qt mo ta putar2 trus pa dia(mantan) qt musti kaluar dari tu keadaan tu dia..
Cara qt kaluar cuma satu,qt cuma musti bisa trima suasa baru denk qt musti bisa menyesuaikan diri denk orang yang baru(prasaan ta bilang cuma satu),orang yang mungkin bisa 100X boleh beking kita lebe bahagia dari tu keadaan yang lama..

Satu le yang qt tau,qt lebe kuat dari pada hulk..

Qap qt bilang bgtu ? Karna orang kuat itu orang yang boleh mo kendalikan dp diri sandiri,qt dapa kendalikan kita p diri sedangkan hulk dia kalo so marah dia so nmble ator dp diri..

Sekian :)

(+) Positif (-)Negatif

Liburan nae klas ini beda denk tahun2 sblumnya..
Liburan ini taon qt b'libur di luar kota.. Ta sbenarnya nmau kwa mo pgi b'libur jao2,jujur ta lbe suka di Manado sandri dri pada mo pgi balibur di luar kota denk tpe Keluarga..
Ta lbe suka tinggal sandiri krna qt bleh lbe BEBAS...Hal yang jarang2 qt ja dapa kalo smua anggota keluarga lengkap diRumah..

Ta pigi ba libur di luar kota jujur bukang cuma for mo pigi ba snang2 mar karna ada Rambu Solo' (Orang Mati)
Yang da mninggal ta p mama p oma (Branti qt p apa itu ?) Da mninggal memang so lama no,so sekitaran 2-4 Bulan sto mar baru da kubur pas ini liburan,da beking pas liburan b'gini spya smua tu anggota kluarga kata bleh mo ta kumpul smua..

Liburan ni kali qt pigi k'Toraja..
Pas qt ja tulis stts tentang Toraja bnya tpe tmang2 yang nd percaya kalo qt orang Toraja..
Satu dari sekian banyak hal yang beking qt bangga kalo qt orang Toraja,arti kata Toraja..
Kalo basa Toraja To = Orang kalo Raja = Raja no!!! Jadi Toraja dp arti Orang Raja dengan demikian qt le brarti seorang raja,Hahahaha.. Biar pun dara merah yang penting tetap RAJA,Hahahahaha..

Di sana smua serba susah,termasuk aer..
Mar nd di smua tampa no,kalo pa qt p mama p OrTu (kalo mo lbe jelas denk singkat pa qt p oma) p rumah lumayan jo tu aer.. Dp masalah pertama pas Rambu Solo' nd beking pa qt p oma p rumah mar da beking di kalo mo bilang kampung p kampung (Bayangkan jo itu)
Gila dank! Kalo di Manado lbe khusus pa qt p rumah,bukang mo bilang apa tu aer ta buang2 kmang mar di sana for nga mo BAB jo susah skli aer! Jadi biar so saki skli tu puru ta kurang ja tahang2..
Ngo bayangkan jo riki BAB susah kong mandi te' ! Perna qt nd mandi satu stenga hari karna nd ada aer di tampa orang mati..
Dp masalah kadua,kalo da Rambu Solo' smua keluarga tinggal sama2 di Lantang (ruangan yang berdindingkan kain dan berlantaikan papan)


Memang kalo sekilas cuma da lia siksa mar di balik kata siksa itu ada kebahagian yang luar biasa
Mulai dari ni kejadian qt baru sadar no smua hal dnk smua kejadian itu ada dp hal negatif denk positif,nd ada kejadian yang hanya smua mo positif trus ato dp kebalikan..
Qt bilang bgtu karna kalo tpe Oma nd mninggal blum tantu qt bleh mo b'kumpul denk qt p keluarga besar..
Kalo le qt nd tidor di Lantang blum tantu le qt mo rasa tu kebersamaan denk qt p keluarga..
Kalo le ada aer blum tantu mo ada tu baku2 gara denk sudara2 kong bleh mo ttwa sama2..

Disini ta cuma mo bilang,Tuhan so ator smua jadi kurang dari torang no yang mo menjalani..
Kalo katu torang cuma slalu lia dp bisae2,trang memang mo rasa siksa skli mar sebaliknya kalo trang lia dari dp hal postif biar le itu masalah biar besar tetap/mungkin sto trang masih bleh mo bersyukur..

BERALIH SDIKI DULU NE :)

Pas qt Jomblo le,awal2 qt memang cuma ja lia2 dari dp hal2 negatif no..
Ta cuma ja pikir qt nd mo bahagia karna nd ada pasangan mar ternyata ta salah,salah sakli!
Satu yang qt mo bilang for ngoni,Nda smua Jomblo itu identik denk GALAU denk nd smua yang ada pasangan itu bleh mo BAHAGIA..
Biasanya te' yang ada pasangan itu lbe NDA BAHAGIA di banding Jomblo karna satu yang berpasangan itu TERIKAT sdangkan Jomblo itu BEBAS

INGA,Smua masalah ato kejadian blum tantu cuma mo beking susah for ngo,jang lia dari dpe kerugian mar lia dp keuntungan..

Sekian Dulu :)

Khusus JOMBLO

Jomblo..

Slah so kwa klo orang jomblo ?

Nd smua yang jomblo itu nd laku ksiang................. mar ada le katu yang memang butul nd laku katu no,hahahaha

Hhmm... Klo qt sndiri,jombo itu tpe pilihan...(padahal mmg nd laku)
Nd ee,ta mmg masih suka jomblo no ini jadi nd usah perhatikan tu "dalam kurung di atas"

Qt kwa nmau mo ba cari,ta lbe suka ba tunggu.. Ta mo tunggu sampe mmg ada cwe yang bisa trima qt dnk smua tpe keANEhan yang kita punya..

Ta nmau kwa spekol2 tnya cwe sma dnk tu cwo2 kebanyakan,ta mo cari kenal dulu bae2,ta mo cari tau dp klakuan b'mna,ta mo cari tau dia lahir di mna,ta mo cari tau spa dp nama OrTu,ta mo cari tau dia anak k'brapa,ta mo cari tau dia agama apa,ta mo cari tau le dia tinggal di mna + lingkungan brapa(mirip2 dnk mo beking KTP no) dnk yang paling penting dari itu smua,ta mo cari tau le tu cwe BAJINGAN ato nd..

Jaman skrg kwa so bukang cuma cwo tu BAJINGAN mar so bnya cwe le yang BAJINGAN !

Ta le nmau spekol2 tnya cwe krna qt "Cwo Mahal",ta nmau mo siksa2 diri mo dusu2 orang p anak lbe bae bbdiam jo,nd perlu mo cepat2.. Ta tau kwa tetap ta mo dpa cwe :) 

Biasa kwa tu ja cepat2 cari cwe,drg  itu "Cwo Murahan",ta blg MURAHAN krna drg rupa so pgi mengemis2 pa cwe spya bleh mo jadi dnk drg..

Beda "Cwo Mahal" dnk "Cwo Murahan",cwo Mahal drg tunggu cwe yang mo dtg mar klo cwo Murah drg p kerja kurang ja dusu2 cwe..

Bale ulang di JOMBLO..
Setelah qt teliti tentang JOMBLO dalam torang p kehidupan bernegara, yang dalam waktu yang klo mo bilang bgtu lama qt da teliti(2hari),ta da dapa hasil yang so bleh mo kategorikan lumayan memuaskan sampe akhirnya qt boleh dpa gelar Sarjana(riki SMA blum tantu lulus,sarjana te') Qt da teliti ttg Kekurangan dnk Kelebihan dari Menjomblo Bunus dp cara Menetralisir ato yang sejenisnyalah..
Berikut qt p hasil penelitian..

Keuntungan Jomblo
Bnya orang rupa enteng skli tu predikat jomblo,padhal kalo mo lia bnya keuntungan kasiang ba jomblo..
Pertama,jomblo itu B E B A S,smua yang nga mo bking dalam ng p hidop nd ada yang ator2 (Kecuali Ajus dnk Sbe -,-) Nga mo bjalang dnk cwe/cwo spa pun,nd ada yang mo mrah akang (Kecuali tu cwe/cwo p paitua dnk maitua)
Kdua,jomblo itu H E M A T,mungkin nd smua no rasa bgtu mar klo qt pribadi ta rasa bnya perubahan terlebih soal PULSA,semenjak qt jomblo so nd perna bli2 PULSA qt (Padahal mmg nd da doi)
Ktiga,jomblo itu so nd identik dnk kata GALAU,jadi for jomblo2 sejati tenang jo ngo so nd akan galau2 le mar so lbe IDENTIK dnk kata ND LAKU-LAKU..

Kelemahan/Kekurangan Jomblo dan Cara Menutupinya..
Jomblo itu S E P I H (mar itu for orang2 ntau bergaul no) cara menutupi musti bnya bergaul,jadi spa pun nga ba tamang akang spya ng p hari jadi nd sepi.. Nga bergaul nd usah PANDANG BULU jadi biar anjing/ato yang berbulu lainnya biar bakado le ng musti bergaul akang..

Sekian tpe hasil penelitian smoga dapat berguna no for ngoni yang JOMBLO!(nd sadar diri)

For teman  sesama jomblo ,ta mo saran-kan jangan jadi MURAHAN ne karna so tako nd mo dpa pasangan,tenang jo TUHAN so ator kwa itu smua..(Cemunguutttt)
Ngo jang cepat2 ba pilih karna biasanya kalo ngo tlalu cepat ngo nd akan mo puas dnk ngo p pilihan itu.. Lengkali bkg lengkali te' mar memang,ngo mo mnyasal di dp akhir2 kasiang.. Memang no katu blum pasti mo pke kaweng mar tu pasangan yang ngo pilih itu mo jadi  satuWarna tersendiri dalam ngo pe hidop,dia yang mo batamang akang pa ngo biar cuma singkat(brapa bulan/taon) mar sedidaknya cari yang terbaik no katu' jang cuma pilih spekol2 ne..

For yang tersakiti(apa hubungan ?rupa nd maso materi),berdoa jo no pa TUHAN,tetap mo ada jalan terbaik kwa..Drg le mo rasa ttap apa tu drg da bking for torang(baca di KARMA)

For ngoni yang skrg ini da pasangan jangan tlalu sombong ne,ngoni mo dpa le saat2 sama dnk yang torang(jomblowers) da rasa skrg..
Blum tantu tu ngoni da gandeng skrg itu yang terbaik for ngoni ksiang(Padahal Mangiri)

Dunia mo ba putar.. Skrg sto torang (jomblowers) ngo da ttwa akang mar brikut torang yang mo ttwa akg pa ngo :p

Bukang "MATERI" mar "STATUS" *kdua

"Ingin hilang ingatan" tu lagu tu dia skrg jadi tpe lagu andalan,dlu waktu qt masih da maitua tpe lagu andalan kmang "Sluruh Nafas Ini".. Dulu ta suka skli kwa tu lagu krna mmg tu lagu itu menggambarkan skli tpe prasaan for tpe mantan itu.. Dehhh smo GALAU le kmang qt krna bcrita dlu2..


"Pergilah bersamanya disana…Dengan dia yang ada segalanya…Bersenang-senanglah sepuasnya…Biarkan disini ku menyendiri" 
Pas ta ja dengar tu lirik lagu,ta slalu ja saki hati skli kmang,mungkin sto krna amper sma no dnk crita cinta :(
Klo mo blg sto qt kwa sala satu yang "Dihianati",hahahaha HANSIPPPP..
Ta rasa bgtu mulai pas ada trima hasil,tpe hari ta so mulai dnk da GALAU akg pa ITALY,ta tako kala kwa ITALY soalnya da bataru qt X_X (qap so bcrita bola dnk ?)


Pas da trima hasil smua brubah,dia datang dnk dp cwo baru kwa..
Ta nd permasalakan dia mo dtg dnk spa mar satu yang qt saki hati skli da lia,tu cwo bjlg sma2 dnk tpe mantan itu p kel. dohhh gila skli komang,dulu waktu qt masih jadi dnk tu tpe mantan itu,dia anti skli ta mo bku dpa dnk dpe kel. mar ta ntau qap dp cwo bru te' bleh mo bjlg sma2 riki dnk dpe kluarga.. (emosi)
"Qap cuma krna dia da bawa oto kong ng mau mo kse bku dpa dnk ng p kel. ?"
"Qap le klo nd bawa oto nmble mo kse knal pa ng p kluarga ?"
2 pertanyaan itu ta mo suka skli tanya langsung di muka pa dia (tamba emosi)
Jelas no katu smua,smua ini cuma masalah "STATUS",cuma krna tpe "STATUS" lbe di bwah dri dia..


Mar mo beking apa le smua so bgtu,so nd mungkin ta mo rubah tu keadaan..
*so nd emosi* Ta so ambe keputusan for mo lupa dia,mar tetap mo jga no trg p hubungan(biar cuma tmg biasa)Ta komang akui no nd gampang mar ta tau ta bisa(Cemunguutttt)
For mo isi waktu2 luang for menghirdari GALAU ta beking tu hal2 postif :) ta nmau cuma krna saki hati kong mo rusak tpe diri.. Ta nmau mo sama dnk laki2 laeng yang ba minum + ba roko for mo tutupi drg p saki hati.. Kalo ta mo ba mabo,pe sadar kmang paling ringan ttap saki hati kong paling parah paling dpa user dari rumah.hahahaha
Ta isi tpe waktu luang skrg dnk ba shuffle :) Skrg qt so gaul2 anak dance :)
Bnya crita kmang ttg qt da ba shuffle dnk tpe grup..


For tpe mantan:
Ta rela kmang ng dnk dia,makase ne so perna ada pa qt p hari,so jadi slah satu warna yang gga for tpe hari :):* 


For tpe mantan p paitua:
Ng jga bae2 ne tamang pa dia,jgn ja beking dia mnangis sma dnk tu ta ja beking dlu..(y)


Mungkin sto dengan pe klar tpe crita ini,ta bleh mo langsung lupa dia..
Sma dnk spatu dnk kaki,seiring waktu kaki mo ta tmba besar mar spatu nd mo ta tmba besar kalo mo paksa  kmang mo tarobe,dari pada tarobe lbe bae bli spatu baru..
Ta pe CINTA le bgtu so no pa dia,qt p CINTA kwa tlalu besar for dia riki so nd pas pa dpe HATI sto,dp hati nd mampu sadia tmpa yang lbe besar,so itu dua2 so mulai nd nyaman..
Smua so tau klo so nd pas,musti cari  tampa yang pas no skrg :)

Bukang qt yang nd mampu jga pa dia mar dia yang nd mampu mo sadia tmpa yg bagus for qt..

Dp inti kwa cuma simpel mar susah mo beking skrg qt smo MOVE ON :)

Pesan: * Kalo mo dpa spatu yang lbe besar musti kaluar doi no katu',itu dp kala pa qt,qt nd da doi mo for mo bli tu spatu yang lbe besar,biar ta so suka skli mar salah2 smua perlu uang,smua bicara uang skrg.. Mar orang laeng laeng yang banya doi cuma mo dengan gampang mo dpa bli tu spatu..


* Yang kadua ini for tu spatu,hati2 orang tlalu bnya doi yang bli pa nga ,BIASA kwa cuma nd lma drg ja pke,p lia ada spatu baru yang kluar kong lbe gga,drg langsung mo kse tinggal yang lma kong drg bli lagi yang baru :)
Beda dengan orang yang nd da doi,biar so kluar spatu yang baru kong lbe gga,drg mo seti dnk tu drg p spatu lama krna drg dpa itu nd gampang,drg dpa itu dnk PERJUANGAN..


SEKIAN :)








* Cari pa qt klo blum mngarti tu pesan,mendalam dp arti ksiang :') *

Akhir XI IPA GILA

Libur...

Pas da skola klo ja dengar tu kata itu,qt dnk tpe tmg laeng rupa ja bersukaria skli..

Apa lagi klo mo libur pas hari kamis,adohhh blum klar tu pengumuman sto anak2 so rupa "gila",laeng so bblumpa nd war,laeng so baku dukung,ada yang so bbtaria rupa gila, dnk ada yg smo polo tu guru sto..

Smua snang skli klo ja libur hari kamis krna itu hari tu dia BERBAHAYA...

Kalo hari kamis nd ada tu nama santai,p sampe di klas slalu ta ja lia anak2 so ddu ba klompok2 for ba salin tugas..

Mo butul dnk nd,salin jo..Klo pun nd dpa baca tu tmg p tulisan ttap salin jo... :)

Riki so ada prinsip "Apa tu dpa lia,tulis jo" klo ng nd mo pke tu prinsip itu,mo di luar klas ng !

Mo tnya le krna qap ?? GURU MO USER BOGO!

Pe klar trima hasil semester 2,SMA 1 libur satu bulan..

Itu berlaku for smua Siswa/siswi mo nae klas ato nd ttap libur 1 bulan..

Libur 1 bulan itu nd smua trima dengan senang hati,ada laeng katu "Nd Suka",bukang dalam arti nmau libur mar cuma  (Bingo mo jelaskan b'mna).. Lanjut jo ne :)

Jujur klo qt pribadi katu "Nd Suka" le no dnk ni libur 1 bulan.. Napa tpe alasan..

Pertama,karna qt ntau mo b'ap di rumah (klo ngoni pikir "qap nd kluar kwa?",lia alsan kdua)

Kdua,klo da libur  nd dpa doi jajan :( dehhhh siksa kmang no :(

Yang k'tiga klo da libur qt so nd ja perna mandi pagi (1 hari,1x mandi)

Masih bnya no alsan laeng mar itu jo tu ta mo tulis..

Tadi alasan ta "Nd Suka" libur,skrg napa tpe siklus pas da libur..

Bngun-b'cuci muka-b'uni-makang-b'uni-tidor-bangun-mandi-b'uni-makang-b'uni-tidor

Slama libur kebanyakan cuma itu tu da beking,nd asik skli kang?..

So itu no ta malas klo ja libur tlalu lama..

*Brapa jam sblum trima hasil*

"Astronn ng nd nae klas",Cithra blg..

Ta langsung balas cepat2 "Ahh io so ? Jang bdusta kwa"

Dia bls le "Io astronn,ng dnk upit(orang yang paling topdi klas) nd nae klas,ta nmau mo blg sbenarnya mar ta  ksiang pa ng"

Pe klar baca itu ta iko ba suar,sungggu komang ta tako..

Soalnya kwa pas ulangan qt nd ja baca soal + le tugas ta nd ja beking + le malas ba tulis..

Adohh mmg kwa smua ba campur pa tpe kpla.. So ada pikiran Cithra cuma tipu,so lngusng ada pikiran le ta mo pinda di mna + le yang paling parah tpe MAMAPAPA mo blg apa ini pa qt..

Karna so tako skli ta ba BBM ulang pa Cithra,ta tulis bgni "Cit ng nd bdusta to'?"

kong dp jawaban,"ta cuma bdusta katu"

Aduhhh pe klar baca itu ta mo suka skli tumbu kwa pa dia.. 

Tu pikiran ane2 tadi langsung bruba,ta iko ja pa pikir tunggu ng ta mo balas pa ng..(jangan di tiru)

Ta iko mandi cepat2 ta pgi skola,pe sampe di skola ta crita itu pa tpe tmg2,respon andalan drg ttwa akg pa qt..

Slama da ba tunggu hasil trg bbcrita,ttwa sama2,baku baku gara..

Pas itu komang ta nikmati skli,soalnya itu sto trakir ta mo ta kumpul ulang dnk anak XI IPA 3,ada isu kwa trg p klas mo acak ulang,padahal tahun2 sblum itu nd perna beking bgni..

Klo butul tu klas mo acak,trg smua ta psiah no..

So nd mo ada orang yang gara pa sigid,so nd ada yang mo btamang akang b'judi pa qt dnk jefri,so nd mo ada upit p lawa2 bogo2 ane2,so nd ada mo gara pa mner kaeng dnk ibu Bio,so nd mo ada artur dnk floren p pmbadiam(klo itu biar akg jo),so nd mo ada sopir lagi klas pribadi,so nd ada nina yang mo tagi doi arisan,so nd ada meggie p autis2 dnk so nd  mo ada sto tu kebersamaan yang 1 taong trg so beking..

Smoga jo no tu isu2 itu nd butul,spya trg smua bleh mo sma2 ulang,mo lewat 1 taong dnk ttwa dnk baku gara dnk kumpul doi spidol -,- Hahahaha..

Smoga le trg p rencena k'lihaga mo jadi soalnya so tlalu lama da ta tunda..

XI IPA 3 ttap di hati :') Hahahaha tupa tu cwe2 jo..

bukang "MATERI" mar "STATUS" bagian 1

"Ta kangen"

Itu dp jawaban pas qt tnya,"Qap btlp liv?"..

Pas qt da tulis ini,ta dnk dia blum lma abis bku tlp...

Dp awal2 qt dnk dia bku tlp,bjlg bgus skli..Mar pas so di tenga smua so brubah..
Ta so saki hati sndiri da dengar dp crita2...
Ta rupa masih  nmble mo trima tu keadaan yang ada...Ta DOWN ulg no..

35 menit + 26 detik ta dnk dia da bku tlp.. Di antara stenga jam itu ada brapa mnit ta dnk dia da bahas ttg ta p tulisan "DIA"
Tu tulisan "DIA" itu penyebab dia ba tlp pa qt..
Pas da bku tlp itu mmg lbe bnya dnk ttwa no,satu dp conto pas qt pangge pa dia "Oliv" dia ttwa kong dia blg "Dpa dengar ganjil skli do ee" p klar dia bicara ta langsung balas dnk ttwa le..
Mar ta nd blg slama ta dnk dia bku tlp smua ttwa..
Ada brpa kalimat yang ta musti dengar,yang beking qt p dada saki skli..
Ta ja bdiam kong suka skli mo b'taria(mar ta tako tpe mma bngun)
Itu pas trg da bcrita ttg QT,DIA,dnk dp cwo skrg..
Satu kalimat yg beking qt saki hati skli "Ta mo suka cari suasana baru"
Tu kata2 tu dia da jawab seakan secara nd langsung blg klo dia lbe pilih dp cwo skrg dri pada qt..
Ta nd percaya 100% dnk tu kta2 tu dia.. Ta tau ini bukang masalah suasana,apalagi masalah hati lbe nd mungkin ksiang..
Ta rasa ini so maso dnk hubungan "GENGSI" yang btmg dekat dnk "STATUS"
Ta blg bgtu krna,tpe mntan itu orang ada doi-lah,dia nd mungkin mo kse2 beda orang ato mo cari cwo krna "MATERI".. Ta rasa ini smua kwa cma krna maslah "STATUS" mungkin sto katu pas dia btunangan dnk tu dp cwo NINJA itu sto katu dp stts mo lbe tingggi dengan cuma btunangan dengan qt(Cwo yang cma b'jlg kaki)
Ta blg bgtu le ta da alasan,ta ja lia2 kwa pa dia p TL(twitt) dp tmg2 katu ja blg "Oliv p paitua kata ee nae NINJA" ato "Oliv kata ee baku bonceng dnk cwo di NINJA" bnya skli tulisan2 bgtu dnk yg mirip/sejenis bgtu tu ta ja baca..
Memang katu ada perbedaan derajat no katu.. Rupa dp tmg2 da kse penghargaan sndiri for dia krna dp cwo ada NINJA..

So itu setelah kita pikir2 ulang kong qt timbang ternyata katu lbe brat di "Qt nmble baharap le pa dia"
Ta musti bisa mo pinda dari keadaan skrg,ta nmble mo baharap trus pa dia..
Dia so snang dnk dp cwo yang skrg,dia so rasa lbe nyaman dnk dp "STATUS" yang skrg..
Jujur awal2 qt bku tlp dnk dia ta harap ta bleh mo bale ulang dnk dia mar abis ta dengar tu crita + ada brapa kata yg beking manucu skli ni hati,ta mo MUNDUR

INGA NE,ta tulis ini nd ada maksud ba sindir/mo beking malo orang/mo beking bkalae orang..
Di ini blog ta cma mo suka tulis dnk ba curhat sdki ttg apa yang kita da rasa..
Qt le katu kan cuma manusia biasa yg bnya skli kekurangan..

Ini sto no dp akhir..
Ini crita ttg ta dnk dia da bku tlp,Ttg tpe harapan for mo dpa ulang pa dia klar le(KseBatal) + Lagu Seluruh Nafas Ini le yang ta da putar for mo menamba galau suasana klar le..

Mungkin sto mmg bukan qt yang terbaik for dia mar tu dp cwo skrg sto..
Masih ada "STO"

Sekian jo dlu :) Masih ada dp lanjutan mar nnt jo..
Ta mo b'uni ITALY dlu..

DIA

"Torang 2 mo sampe kaweng kwa" ta ja ttwa sndiri klo ja inga tu kata2 tu dia..
Tu kata tu dia qt p mntan suka skli ja blg for qt,ntau krna qap sto.. Mar mungkin krna tu kata2 tu dia sto no qt dnk dia p hubungan bleh mo amper 1 taon..

Ta deng dia jadi tgl 5 juni,ta masih inga torang (ta deng dia bukang kita deng yang da baca!) da jadi pas hari mngggu itu,kalo nda salah sekitaran jam 11-12 sto..
Lengkap skli kang ??-.- Sdah lewat jo dlu ttg tu dia..
Skrg lanjut ttg qt deng dia.. 1taong itu bnya skli hal yg trg lewat akang sma2,mmg bnya skli..Mungkin sto dp faktor utama krna qt dnk dia slalu ja bku dpa trus (Satu skola kata kwa)
Tiap bulan trg ja rayakan trg p Ulang bulan dnk cara bku tukar hadiah..
Perna 2 hari sblum tgl 5 dia ba janji mo beking akang nasi goreng pa qt..
Lawa le ta da dengar waktu dia da crita pa qt x_x. Dia kata so bngun jam 4 pagi for mo beking tu nasi goreng mar so nd ada bawang katu,hahahaah..
Dia langsung ba sms kong mnta2 maaf pa qt,ta le antara rasa lawa+ksiang+manganto(masih sekitar jam 4 kwa itu -.-) ta cma da bls "Io ndpp MOO"
Ta pe' nama syg2 for dia "MOO" klo dia ja pngge pa qt "POO":)
Masih bnya le nama syg2 laeng mar sdah jo mo tulis ane2 kwa tmba lawa2,Hahahaha..

Slama trg 2 da jadi bnya skli kata "PUTUS" mar bleh bertahan amper 1 taong jo kote'...
Ta dnk dia kwa biar so  PUTUS ttap bku2 sms+bku tlp(masih ja bku2 pangge syang te' biar so putus),Hahahaha..Krna tu dia sto no bleh mo amper 1 taong..
Dia tpe cwe pertama,karna itu sto no ta sayang skli pa dia,bgtu le sebaliknya dia sayang skli le pa qt..
Ta boleh lia dnk ta bleh rasa no katu...(Biar qt bkg dia p cwo yg pertama)
Marrrr itu DULU,dulu waktu qt dnk dia masih jadi...
Skrg riki ba togor jo pa qt dia so nmau sto,
Padahal dulu riki pas ada upacara biar torang pe jarak lumayan jao,kong kita nda bahaga pa dia pas dia da lia pa qt, boleh mo bakalae sto trg itu X_X
Dia le kwa tipe cwe yang pang mraju+mo suka dpa perhatian trus,pertama2 katu ta rasa siksa no mar akhirnya ta boleh mo menyesuaikan dgn tu keadaan yang ada..

Hal yang paling pertama dia da beking pas qt deng dia PUTUS smpe nd ada kontak sma skli,dia hapus smua2 ttg qt,sampe ta p nomor hp le.. Dia Unfollow pa qt di twiit.. Klo Pesbuk,nd sto..(So nd jga On di pespuk kwa dia) Dia DELCON pa qt di BBM. Bukang cma qt mar 2 tpe tmg dekat lr dia hapus.
Ta rasa dia saki hati sto da baca2 tpe stts no, mar prasaan+kenyataan,dia tu rupa mo kse2 panas pa qt,dia psang dp cwo p foto di pa dia p DP(display picture)+ dia tulis syggg2-lah, apa sgala macam ttg tu cwo no spya mo bking saki pa qt mar qt biasa jo..(Pura-pura cma pada hal so sakiHATI)
Hahaha... Saki hati ttap no katu,klo mo jujur te' dp awal2 ta so "DOWN" ta rupa nd bisa trima dia bleh ba pinda hati bgtu cepat(ntau cma mo pelampiasan/mmg so suka butul, ta so ntau) mar ta nmau mo terbawa dnk suasana GALAU trus..
Ta le sempat TERPURUK karna ta dnk dia kwa p hubungan ta gantong skli,tinggal brapa belas hari sto kong smo 1Taong kong brakir,anyor,embang,dnk ancor......................................  </3

Ta bnya no crita ttg trg p masalah pa tpe tmg2 dnk orang yg dekat dengan qt (ta pe MAMA le) mar amper smua bale twa akang + drg tamba gara pa qt(ta pe MAMA le), amper smua mar nda smua no krna tu laeng katu dukung no pa qt,biar cma brapa orang mar ta rupa rasa terbantu skli....
Sudah lewat jo dlu ta so GALAU skli da tulis ni dia..

Skarang dia so dengan cwo NINJA merah,ta tau krna tpe ade(SIGOT) da foto pas dia da bku bonceng dnk tpe mantan itu..
Samua blg....  Nd smua kote' mar kebanyakan blg bgni "Stron,ng lbe bae+lbe pantas dnk dia dri pada dp cwo skrg"..
Tiap drg ja blg itu respon paling pertama tu ta ja beking paling senyum,yang kadua paling bdiam..
Ta ja ba pikir klo pun mmg ta lbe bae,mo bking apa le... So denk NINJA dia skrg masih da kesempatan le so kwa qt yg cma b'jlg kaki.....
Mar qt musti bpikir positif ini smua bukang masalah MATERI,ta nmau mo ada masalah le dnk tpe mantan itu.. Biar jo, dia katu so snang..
Mo beking apa le...

"Nasi so jadi bubur" itu tu orang bnya ja blg....
 Ta postiu ja dengar tu kata2 tu dia,ta percaya jo no biar tu "Nasi so jadi Bubur" mar klo qt taru tolor dnk ayam + sayor bleh mo jadi "Bubur Ayam Spesial"
mar dp masalah susah kwa mo dpa tu tolor,sayor,dnk ayam..
Ibarat akang jo tu Nasi,qt dnk dia p Hubugan...
Hhmm ngo bayangkan jo no sndiri Ibarat apa tu "tolor dnk ayam + sayor" for mo bking SPESIAL ulang
For mo jadi SPESIAL ulang so tlalu siksa kasiang..
Tnggu biacara soal SPESIAL ta suka mkg nasi gorengsoesial *NdAdaHubungan

Sekian jo dlu..... Masih bnya le ta mo berbage pa ngo mar nnt jo...
Smua ada dp waktu...
Mungkin bgtu le no ktu qt dnk dia p hubungan,mungkin so mmg dp waktu sto no ta dnk dia musti PISAH..
Mar klo mmg jodoh ttap le ada dp waktu for mo bku dpa ulang {} :*

Go Green

Qt da tanang pohong spya manado nd mo tlalu panas :)
Biar b'bgni mar qt le peduli lingkungan :') Masa qt jo bleh kong ngoni laeng nmble :p

INI TPE POHONG,MNA NGONI PUNYA ?

XI IPA GILA(IPA3) *pertama

Nd dpa rasa smo 1 taong qt di IPA3..

1taong dnk tmg2 yg ambitu,bogo,ane,4L4Y,dnk brkepribadian ganda x_x

Awal di klas XI IPA3 ta ddu dnk cwe yg maso kategori "Ane",ta nd cuma spekol kse maso di kategori itu pa dia,qt da alsan yang palingan smua orang di klas stuju..

Hal yg paling kantara "Ane" pas dia ttwa -.- 

Dp suara paling kras,kala cwo p suara,bkg cma kala mar kala jao.. Bukang cma dp suara yg kras mar dp Pukulan le kras,dia perna pukul cwe le di klas -.-

Dpa lia anak bae2 mar Bajingan kote,Hahahaha

Maarrr dia katu slah satu cwe gga no katu pa tong p klas :)

Ta tako mo tulis bnya2 ttg dia,kge le dia ba gila pa qt x_x

3bulan sto qt ddu dnk dia,cma ja brgaul dnk dia trus..

1 taong itu bnya skli dp bgus2,puji Tuhan nd ada duka O:) mar klo besae2 bnya kmang -.-

 Waktu qt msih ddu dgn tu cwe yg ta da crita tadi,pas itu qt masih anak bae2 ;;) Ta masih jga ba tulis,bking tugas(biar cma ja salin),dgn yg paling penting qt nd baribut.. Riki tu anak2 di blakang(sayapkanan) kira qt Bencong -.- Dehhh itu slah satu yg besae skli! Mar nd cuma besae2,ada dp bgus le no katu,pas qt ja ddu di muka tpe rambu nd perna dpa gunting :)

Smua itu brubah waktu qt p tmg klas ada yang pindah skola,PindaSkola = Ada tmpa ddu2 frei..,tu cwe yg ddu dnk qt langsung ba pinda tmpa,ntau krna qap sto.. Mar ada alasan yg paling kuat mnurut qt krna dia so bosan so lia tpe muka,Hahaha..Dri pada ddu2 sndri rupa orang bogo,qt kse siap no tpe hati,mmg kita da kse mntap bae2  punya,ta pgi bersemedi di lokon nae ular raksasa berkepala 2 qt k'atas *TlaluBnyaB'uniIndosiar 

Akhirnya qt pgi pinda di blakang x_x 

Sampe di blakang smua langsung ja brubah,ta so nd perna b'tulis,so nd ja bking PR,so mlas mo bsalin (mar klo KIMIA ttap mo b'paksa ba lia no,ta tako dp guru kwa) dnk yg paling penting le ta jadi Karlota,Hhmmm..Dpa dngar ba tanta2 klo karlota jadi gnti jo dnk te', qt so jadi Anak yang sudah lumayan ribut(pas skli to')

Nd usah jo bahas ba tulis,riki polpen jo ta jarang skli ja bawa,ntau le qt ini niat skola le ato so nd -.-

Mar tpe alasan utama katu nd jga bwa polpen krna p berat skli katu :( *SoGila

Nd katu ee,ta malas ja bwa polpen krna pe kala mata jo ilang langsung tu polpen,ngo mngarti tpe mksd to' ??! Io btul,Io itu no bnya Doger kwa..Nd mngarti Doger le ?! Pancuri BOGO!

Sdah lwat akg jo tu dia..

Di ini klas(IPA3) ada yg bgus no ktu dp bergaul mar ada le yg nd(Besae skli dp cara bergaul).. (n)

Contoh jo masalah tugas,klo anak bae2 yg bgus bergaul,dia mo berbage tu tugas kong dia mo sruh salin dia punya.. *Jarang Ja Dpa

Mar klo dpa tu AMBITU,dehhhh sdah jo mo bhas,cma mo bking saki hati jo!

+ contoh le,klo anak bae2 katu dp baku janji bgus skli,mar klo tu AMBITU cma smpe2 di mulu jo! Slalu drg p janji cma ja smpe di "io kwa" ato "nnt ushkan ne" dehhhh ! postiu ta ja dengar tu kata2 tu dia,klo nmau pgi langsung jo kwa blg nd,nd usah mo pke "nnt lia",ABABIL skli ee *So Marah Nd Jelas

Di ini klas le,ada tim kaki gatal(suka skli b'pontar) drg p'karja kurang ja dusu2 pa DG (trg jga dp nama baik).DG ini IPA3 p sopir,krna le kwa pas2+kebetulan skli cma dia kwa yg tau bwa oto dnk tamba le cma dia tu ja bwa oto di skola.Klo di IPA3 kwa anak2 CINA smua,mngari to' ?! Jadi yg ja bwa oto skola sma dnk ja berbage berkat tersendiri for anak2 krna nd perlu kluar doi le for sewa oto klo mo bjlg jao2 :)Yang laeng kwa cma smpe2 di mulu jo tu tau bwa oto!

Dia le ksiang kwa bae2 kong mna2 skli dp orang :) so itu tu Tim kaki gatal slalu dusu pa dia  for antar2 pa drg(ntau qt le satu)

Sekian jo dlu,nnt ta sambung ulang :)

Tentang Qt

Eheeemmm..
...............................................................
Ta ntau mo mulai dari mna,qt le masih bingo2 pke ni barang ni dia,jadi sorry ne klo masih bnya salah2 + masih ja ta ane2..

Dari pada mo pkir ssah2 le ta mo mulai dari perkenalan nama jo :)


Tpe nama lengkap,Edwin Astron..
Cma,amper smua tpe tmg2 ja pngge ASTRON.. Ta nd perna tau qap + ta le nmau tlalu tau,padahal klo mo lia dari dpe cara penggucapan "EDWIN" lbe gampang jao mo bilang dri pda "ASTRON" mar slalu drg ja pangge ASTRON.. Memang ane.. Ane skli..
Lewat jo ttg tu drg ja pangge pa qt,skrg ttg tpe asal mula nama jo..
Ta nd perna tau + Ta mo SUKASKLI tau qap tpe nama blakang "ASTRON" qap nd "AMSTRONG" jo 1x biar dpa lia bule2 bgtu.. Hhmm.. bkg dpa lia kote' mar dpa dengar -.- . "ASTRON" itu tpe nama bukang tpe fam/marga..Mar smua sto tpe guru + tmg skola,tau qt p fam tu "ASTRON".. Qt nd ada marga ksiang.. :)
Itu jo dlu ttg "ASTRON"..

Skrg maso jo di dp kesimpulan..
Dp kesimpulan qt bangga no ktu dpa nama "EDWIN ASTRON" biar nd dpa dengar bule2 mar ta bangga ttap :)
Ta bangga krna pertama itu tpe OrangTua yg kse nama bukang tpe tmg p orang tua yg kse nama,Haahaahaha..
Kdua krna yang nama "EDWIN" rata2 orang2 sukses dnk orang2 berhasil,contoh jo Edwin Aldrin,dia orang pertama k'bulan  :) (sukses dnk berhasil sama sto kang ?-.-) Smoga dgn tpe nama sma dnk drg,qt mo sma sukses dnk drg + bleh mo jadi orang pertama k'Matahari(Matahari btul bkg yg TOKO!), AMINNN O:)
Alasan k'tiga krna tpe nama "ASTRON" nd PECE ato lbe spesifik le nd Murahan ato lbe dalam le Nd bnya orang pke ato mo lbe dalam le ?! ta rasa cukup jo ttg dalam,bale ulang di "ASTRON",kata ato nama tu dia cuma qt sto yg pke/yang ada... Bnya yang BeTi(Beda Tipis) mar nd ada sto yang sama :) *Ta so cek di Google + Pesbuk + Twit..

Tu tiga alasan tiu jo so bking qt bangga skli dpa nama "EDWIN ASTRON"